Институти миллии геофизикии Марокаш эълон кард, ки дар ин кишвар заминларзаи 7 дараҷаӣ рух додааст. Пажӯҳишгоҳ изҳор дошт, ки маркази заминларза, ки дар умқи 8 километр рух додааст, минтақаи Эл-Ҳузи Марракеш дар шимоли кишвар будааст.
Дар баёнияи вазорати умури дохилии Марокаш, гуфта мешавад, ки дар заминларза, ки дар бисёре аз шаҳрҳои ин кишвар эҳсос шудааст, тибқи таъйиди аввал, 632 нафар кушта ва 329 нафар захмӣ шудаанд.
"Зилзилаи бузургтарин дар таърихи кишвар дар асри гузашта"
Пажӯҳишгоҳи миллии геофизикии Марокаш эълом кард, заминларзаи 7 дараҷаӣ, ки дар шаҳри Марракеш рух дод, бузургтарин зилзила дар таърихи ин кишвар дар садаи гузашта будааст.
Хабар дода шуд, ки Марракеш, Азилол, Агадир, Варзазат ва Чичауа аз ҷумлаи шаҳрҳое ҳастанд, ки дар онҳо кушташудагон рух додаанд.
Дар ин баёния таъкид шудааст, ки ниҳодҳои маҳаллӣ, нерӯҳои амниятӣ ва гурӯҳҳои дифоъи шаҳрвандӣ барои муайян кардани хисороти расида аз заминларза ва расонидани кумакҳои зарурӣ ба ниёзмандон тамоми имконоти худро сафарбар намуда, шаҳрвандонро ба оромӣ ва воҳима накардан даъват кардаанд. .
Гурӯҳҳои наҷотбахш дар Марокаш талош доранд, онҳоеро, ки дар зери харобаҳои биноҳои фурӯрафта мондаанд, наҷот диҳанд. Дар ҳамин ҳол, маълум шуд, ки дастаҳо ба далели харобшавӣ ва баста шудани роҳҳо пас аз заминларза дар расидан ба манотиқи заминларза душворӣ кашидаанд.
📩 09/09/2023 10:08