Бо гарм шудани ҳаво дар Чин дар рӯзҳои ахир иқтисоди лагерҳо эҳё шуд. Тибқи маълумот, фурӯши маҳсулоти кемпинг дар Чин дар моҳи феврал 75 дарсад афзоиш ёфтааст. То нимаи моҳи март шумораи ҷустуҷӯҳо дар мавзӯи кемпинг дар Интернет нисбат ба ҳамин давраи соли гузашта 450 дарсад афзоиш ёфтааст.
Ғайр аз ин, бозори байналмилалии савдои Иву дар музофоти Чжэцзяни Чин, ки ба унвони бузургтарин бозори яклухт дар ҷаҳон маъруф аст, ба давраи пурбораш ворид шуд. Чжу Юелай, ки таҷҳизоти хаймазанӣ ба монанди хаймаҳо дар Иву мефурӯшад, гуфт: “Иқтисоди хаймазанӣ на танҳо дар Чин, балки дар саросари ҷаҳон низ рушд мекунад. Аз аввали сол инчониб дар бозори байналхалкии савдои Иу афзоиши зиёди фармоишхо аз хорича мушохида карда шуд. Супоришхо имсол аз 40 то 50 фоиз афзуданд, — гуфт у. Истеҳсолкунандагон гуфтанд, ки фармоишҳои имсола барвақттар оғоз шудаанд ва онҳо барои хаймаҳои калон фармоиши бештар мегиранд.
Ба Иву бештар соҳибкорони хориҷӣ меоянд
Вақте ки тиҷорати хориҷии Чин пас аз эпидемия умуман ба ҳолати муқаррарӣ баргашт, соҳибкорон аз кишварҳои гуногун ба Иву омаданд, то барои муштариёни худ рангҳо ва моделҳои мувофиқро интихоб кунанд. Аз аввали сол шумораи соҳибкорони хориҷӣ аз бозори байналмилалии савдои Иву дар як рӯз беш аз ҳазор нафарро ташкил дод, ки нисбат ба ҳамин давраи соли гузашта 17,5 дарсад бештар аст.
Чжао Венге, директори як ширкати Чжэцзян гуфт, “Зичии меҳмонон тақрибан ба 95 фоизи сатҳи пеш аз эпидемия расидааст. "Мо дар айни замон пеш аз ҳама ба баргардонидани харидорони хориҷӣ ба Иву ҳарчи зудтар тамаркуз мекунем" гуфт ӯ.
Мувофики маълумотхо дар зиёда аз 2 миллиону 100 хазор корхонаи хурду миёна дар Иву зиёда аз 30 миллион нафар одамон кор мекунанд. 60 фоизи махсулоти ин корхонахо ба хорича фиристода мешавад. Иву ҳамчун муҳимтарин "бозори яклухт" дар Чин ва ҳатто дар ҷаҳон маъруф аст, инчунин барои ҷавононе, ки мехоҳанд тиҷоратро оғоз кунанд, имконият фароҳам меорад.